Muqdishu,(insidesomalia.org)-Xaalada guud ee Magaalada Muqdisho ayaa saaka degenaasho laga

dareemayaa, iyadoo saaka Magaalada tahay mid ganacsiga iyo wadooyinkaba furanyihiin.

Xaaladda goobihii shalay gelinkii dambe ilaa iyo xalay fiidkii dagaalada ku dhex marayeen Ciidamada Dowladda iyo kooxaha ka soo horjeeda ayaa laga soo sheegayaa deganaasho.

Dagaalkan oo shalay gelinkii dambe ka dhacay Xaafadda Xararyaale ee Degmada Wardhiigley ayaa inta la og yahay waxaa ku dhintay ugu yaraan 4 ruux, iyadoo in ka badan 9 ruuxna ay ku dhaawacmeen kuwaasi oo ay ka mid yihiin Gabar iyo aabihii dhalay oo iyagoo ku sugan aqalkooda madfac ku dhacay.

In kastoo dagaalkaas shalay galab ka bilawday xaafadda Xararyaale oo gaaray xalay fiidkii ayaa haddana wax saameyn ah kuma yeelan isu socodka dadka iyo Gaadiidka ee ka imaan jireen Xaafadaha Suuq Bacaad, Siinay, Boondheere,Kaaran iyo Shibis, kuwaas oo soo geli jiray Suuqa Bakaaraha.

Ciidamada oo looga bartay in ay xiraan Waddooyinka marka uu dagaal dhaco ayaa haddana saaka waxaana la arkayay Gaadiidka iyo dadka oo caadi u marayeen wadadaas.

Sidoo kale waxaa degan Degmada Huriwaa oo labadii maalmood ee la soo dhaafay dagaal xoogan ku dhex maray Ciidamada Itoobiya iyo Kooxaha Kacdoonka, waxaana Ciidamada saaka yihiin kuwo ku sugan Isgoyska SOS iyo Shineemo Cabdi Waayeel, waxaana mararka qaar la arkayaa ayagoo wada ku soo ridaya raas.

Inkastoo wali xaaladu tahay mid degan aagagii lagu dagaalamay, hadana waxaa isa soo taraya meydadka dadka rayidka ah ee wali la helayo Xaafadihii dagaalka kadhcay,kuwaaoo ay toogteen Ciidamada Itoobiya.

Comments (0)

Subscribe to this comment's feed

Write comment

Name

Email

Title

Comment

smaller | bigger

Subscribe via email (Registered users only)

I have read and agree to the Terms of Usage.

Add Comment